फिलिपिन्स भूकम्पमा मर्नेको संख्या १०० नाघ्यो

मनिला - जिवित मानिस भेटिने आशामा उद्दार टोली अहिले पनि फिलिपिन्सको भूकम्प प्रभावित क्षेत्रमा सक्रिय छ। अहिलेसम्म त्यहाँ १ सय ७ जनाको मृत्यू भएको पुष्टि भएको छ भने हजारौं घाइते भएका छन। सरकारी अधिकारीहरुले मृत्यू हुनेको संख्या थप माथि जानसक्ने बताएका छन्।

बोहोल टापुमा गत मंगलबार बिहान ७.२ म्याग्‍नेच्युड क्षमताको भूकम्प आएको थियो। भूकम्प पछि पर्यटकीय गन्तव्य मानिने यो टापुमा हजारौ मानिस सडकमा बसेका थिए। भूकम्पमा परी घर, सडक, चर्च र स्कुलहरुसमेत क्षतिग्रस्त भएका छन्। मुस्लिमहरुको चाँड इद अल अदाका कारण स्कुल तथा अफिसहरु बन्द थिए जसले मानवीय क्षतिलाई कम गरायो।